Melbourne khawpuiah Daduhi a che ta

Mizo hmeichhe zaithiam hlawhtling berte zinga mi Daduhi chu Australia-a Melbourne khawpuiah, Mizoten Chapchar Kût an hmannaah hmanpui tura an sawm angin a hmanpui a, concert an nei zui nghal bawk.

Melbourne Mizo Association buatsaih Chapchar Kûtah Daduhi khuallian a ni a, England aṭangin Down Under hi a pan a, April 12 khan a thleng. Melbourne khawpuia Ringwood-ah concert hi a nei a, Australia-a Mizoten he hun hi an hlut hle a, Daduhi hian a hla hit tak takte a sa. Musician pawh an pawh an ei ṭha a, Mizo Idol aṭanga kan hriat lar, RK Bawitlung hoin Down Under-ah hian Chapchar Kût ropui takin an hmang.

Melbourne Mizoten Daduhi hi 'I vang­lai i ngai em?' tiin an zawt a, Daduhi hian an hun hman hi nuam a ti a ni ang, "Tun hi ka ngai" tiin a chhang. Daduhi hian kohhran hrang hrangah sawm a nih angin zaiin rawng a bawl nghal a, kohhran member-te a tlawh kual nghal bawk. Pathian hla CD a ken chu an inchuh hial a ni.