Lelte Award ; Category 12 sem hnuah zaninah semna pui ber neih a ni dawn

Mizorama music lama inchawimawina hlun ber, Lelte Award pui ber chu zanin dar 7:30 hian Chanmari YMA Hall-ah sem a ni tawh dawn. Nizan khan Hotel Floria-ah Awards 12 an sem tawh a, heta an la sem lohte zanin hian sem a ni tawh ang.

Zanina Lelte Awards an sem tur hi category 22 a ni a, S. Laldinglian­a, MLA chu khuallian tura beisei a ni. AIR Aizawl chuan media lam bika Award siam an dawng dawn a, van­tlang hriselna lam hawia thuziaktu Dr Thangchungnunga hnenah Special Award hlan a ni dawn bawk.

Award dawngte an zai anga, Entertainer of the Year dawngtu LilZo a inlar dawn bawk. Awards semnaah hian a duh apiang tan tel theih a ni a, luh man a awm lo ang.

Nizan khan category 12 chu sem a ni a, award semna hun hi Hotel Floria-ah neih a ni a, Robert Romawia'n a ho.