Pirates film-ah Keira Knightley a chang leh

Pirates of the Caribbean: On Strangers Tide film-ah Keira Knightley a chang tawh lo a, Penelope Cruz kan hmu a nih kha. Mahse Pirates of the Caribbean thar ber tur, Dead Men Tell No Tales-ah hian Keira chan tur leh tur loh sawi a ni fo a, Japanese trailer-ah chuan amah a lang tlat! A chang a nih hmel a, a hma pawhin sawi neuh neuh a lo awm tawh. A rukin Keira Knightley hian a chan tur ang ang pawh a chang niin an sawi.

Pirates of the Caribbean: Dead Men Tell No Tales film hi US-ah chuan May 26-a tihchhuah tur a ni. Johnny Depp a chang leh ngei dawn a, Orlando Bloom pawh a chang leh dawn. Javier Bardem pawh kan hmu ang. Keira Knightley hia Orlando Bloom nupui lemah a chang dawn nia sawi a ni a, Wiki lamah pawh hetiang hian ziah a ni.