Scorpion album thar nakkumah?

Scorpions frontman Klaus Meine chuan 95.5 KLOS radio station-in an kawmnaah album thar tur atan bungrua an nei ṭha tih a sawi.

German hard rock legend hian kum 2017-a 'Born To Touch Your Feelings - Best Of Rock Ballads' hnua an album tihchhuah leh hmasa ber tur hi nakkumah hian tlangzarh an tum a, hemi chungchangah hian 95.5 KLOS chuan kawmin bungrua pawh an nei ṭha tih hi a sawi a ni. "Kan phur tawh hle a, hun harsa tak kara malsawmna a ni ringawt, kan hun tawn mek avang hian ina awmna hun kan nei a, studio-a hnathawhna hun pawh kan nei a, thil thar duang chhuak turin hun kan nei a ni," a ti.