Pokemon: Nintendo leh Tacent an thawk dun
Pokemon Company-in game siam kawnga a thawhpui kumhlun Nintendo chuan Nilaini khan Pokemon game thar siam turin Tencent Timi Studio an thawhpui tih an puang.
An game tihchhuah thar tur hi Nintendo gaming console Nintendo Switch-ah leh smartphone-ah pawh a khelh theih dawn niin an sawi a, Chinese tech giant game lo siam tawh ang zulzuiin an siam dawn a nih hmel.
Nintendo leh Tencent game siam thar tur hi 'Pokemon Unite' tih a nih dawn hmel a, Tencent-in experience an lo neih ṭhat tawhna lam multiplayer online battle arena (MOBA) a ni dawn a, League of Legends-te nen pawh a inzul dawn viau niin a lang. Five-versus-five battle game a ni dawn a, Pokemon hrang hrang a thlan theih dawn a ni.
Tencent hian nikum July thla khan Shenzhen-a Timi Studio chuan Pokemon game a buaipui tih a lo sawi tawh a, gaming company pahnihte hian an game thar hi tlangzarh a nih hun tur an la puang lo thung.
Pokemon hi a film lam a ni emaw, game emaw pawh nise hralh a kal reng a, TitleMax report-in a tarlan dan chuan an game, movie leh merchandise aṭangtein $tluklehdingawn 90 chuang an lalut tawh a ni.