Voltas Malsawm House Ṭhazual Gospel Fiona Pachuau 'Mana lei' pakhatna

Voltas Malsawm House Ṭhazual Gospel chart-ah Fiona Pachuau hla thar ber 'Mana lei' chu pakhatna a ni.

Fiona 'Mana lei' hi chart hmasa lamah khan parukna a ni a, tunah erawh pakhatna a rawn ni der mai. Thla khat vel liam taa a tihchhuah kha niin Dr. Albert Vanlalliantluanga hla phuah a ni a, a hla a mawi piah lamah music video a changkang hle a, siam pawh a hautak viau ang tih a hriat.

Kristian Melody 'Beiseina' chu pahnihna niin Lalhlumawii (Bitei) pawhin a hla 'Ṭawngtaina' chu hma rawn sawnpui zelin pathumna a nihpui der tawh a ni.

Chart-ah hian One In Christ, Jenn Ralte, Amosa Vocal Band, Jerry Lalrinawma leh Bethsy Lalrinsangi-te pawh an lang a ni.

Ṭhazual Gospel chart top 10:-
1 Fiona Pachuau - Mana lei
2 Kristian Melody - Beiseina
3 Lalhlumawii (Bitei) - Ṭawngṭaina
4 One In Christ - Kalvari damna
5 Jenn Ralte - Ka innghahna
6 Rosangzuali Khiangte - Ke pen leh ang che
7 Amosa Vocal Band - Kraws, kei mi chawisangtu
8 Jerry Lalrinawma - Thlarauvin min hruai la
9 Kristian Ṭhalai Pawl, Ramhlun North Branch - Lawmthu hril ru
10 Bethsy Lalrinsangi ft Rindika Zadeng - Vanram ngaihtuah hian min tilawm a