Rimawi Khawvel Come-Back Concert for 'Peace & Harmony' Nilaini zanah nei dawn

Rimawi Khawvel music magazine buatsaih Rimawi Khawvel Come-Back Concert for 'Peace & Harmony' chu Nilaini zanah hian Dawrpui Multipurpose Hall-ah neih a ni dawn.

Concert buatsaihtu turte hian nimin khan thuthar thehdarhtute kawmin, June 30, 1986-a ziahfel Remna leh Muanna hlutzia leh pawimawhzia hriain June 30, 2000 khan Remna Ni denchhenin Peace & Harmony Concert hi buatsaih a lo tum tawh niin thuchhuah an siamah an tarlang. Inbuatsaihna pawh thui tak an kalpui tawh hnuah concert an neih ni tur chiahah chuan Tuikuk helte'n Mizoram Police duty lai mi pasarih lai an kahhlum avangin concert chu an ṭhulh ta a ni. Chumi avang Peace & Harmony niloin Concert For Martyr's chu August 2000 khan Vanapa Hall ah an nei ta zawk tih an tarlang bawk.

"Chhan leh vang hrang hrang vanga Rimawi Khawvel Chanchinbu a khaihlak chhungin he Concert hi neih a ni loa, tuna alo kir (Comeback) leh takah hian Project hmasa berah neiin, June Ni 29 (Nilaini) zan dar 8:00 PM khian Dawrpui Multipurpose Hall-ah neih kan tum leh ta a ni," tiin thuchhuah an siam.

Ticket system in concert hi an kalpui dawn a, ticket man chu Rs. 500 leh Rs. 200 man bakah miṭhahnemngai zualte tan Golden Card (For Couple) Rs 2500 aia tlawm lo a lei turte a awm dawn a ni. Students Self Support Union (SSU) te chuan ticket hi zuarin concert buatsaihtute chuan sponsorship an zawn hman loh avangin an hralhna sum chu an innghahna a nih tak thu leh ṭhahnemngai taka lei turin mipui an ngen a ni.

Concert-ah hian tunlai zaithiam lar ber berte an inlan dawn a, house band chu 'To Coda Session Band'-te an ni ang.

Zaithiam lar inlan turte chu:
1. Opa Tribal Power
2. Siampuii Ralte
3. Sawmtea Chhangte
4. Ruatpuii Bawitlung
5. Jh Peka
6. Mesty Chawngthu
7. Josephine Lalawmpuii
8. Pc. Lalremruata
9. Rebecca Lallawmsangi
10. Lalhmangaiha
11. Feli Thangluah
12. Michelle Varte
13. Zaii Hauchhum
14. Benjamin Sum

House band Line Up:
Eric Renza - Guitar
Samuel - Keyboard
Rema - Bass
ZT-a - Drums