Nu Thianghlim Mari aiah Kim Kardashian

Kim Kardashian-i Kimoji atan Kim Kardashian hi Nu Thiang­hlim Mari angin a inlantir a, khawvel hmun hrang hrang aṭangin nasa taka sawisel a ni.

Kim K hian Instagram-ah kimoji, animated thar pathum a tichhuak a, hei hi 420 an tih, Weed Day puala a tihchhuah a ni lehnghal. Caption pakhata a hman chu ‘420 Drop Now Available’ tih leh, pakhat dang chu ‘When Kim Blesses, You With That 420 Drop’ tih a ni. Weed Day hminga 420 an tihna chhan hi, California criminal code 420-naah ganja hmang leh sem darh hrem theihna hi nia sawi a ni.

Kimoji thar hi fan tam takin an sawisel nghal a, inzahlohna rawngkai leh offensive niin an hria. A image hi la thla turin mi tam takin Kim hi an phut nghal a, pakhat phei chuan, “La bo nghal teh. Serious ve deuh hlek la. Zahna i nei miah na nge? Catholic/ Orthodox Kohhran aṭanga sei­lian i ni a, kohhrana Nu Thianghlim Mari pawimawhna hi i hre ngei tur a ni. Pathian sawichhiatna a ni!! I thlarau chungah Pathian hi zahngai hram rawh se,” a ti hial