Huhang ngah ber zingah milar an lang
Time chanchinbuin khawvela huhang ngah ber ber, influential people mi 100 a thlan chhuah zingah zaithiam leh lemchang thiamte pawh an lang nual mai.
Time chanchinbuin Most Influential People a thlan chhuahah hian category hrang hrang a awm a, Artist zingah hian John Legend, Demi Lovato, Emma Stone, Ed Sheeran, James Corden te an lang. Pioneer zingah Constance Wu te, Chance The Rapper, Jared Kushner, Ivanka Trump te an lang bawk.
Hruaitu category chhungah Vladimir Putin, Narendra Modi, Kim Jong Un, Theresa May, Xi Jinping, Rodrigo Duterte, Melinda Gates, Recep Tayyip Erdogan, Julian Assange, Juan Manuel Santos, Pope Francis te chu a langsar zinga mi an ni. Titans category-ah hian LeBron James, American football-a mi langsar Tom Brady, Amazon CEO Jeff Bezos te lang zingah an tel. Icons zingah Neymar, Fan Bingbing leh Viola Davis te chu kan hriat lar zual zinga mi an ni.