Jio download speed a ṭha ber

TRAI-in service provider hrang hrangtena internet an pek chhuah a chak dan an tihchhuahah Jio internet a chak ber.

Jio internet chak lam hi 16.48 mbps a ni a, Idea leh Airtel te aiin chak tak a ni. March thla chhung bika a chak dan average a ni a, Idea-ah chuan 8.33 mbps a ni a, Airtel-ah 7.66 mbps a ni; Jio hi a dawta chak Idea aiin a letin a chak zawk. A theory chuan Jio internet speed angah hian Bollywood movie pakhat hi minute 5 chhungin a download zo hman dawn tihna a ni.

Idea leh Airtel dawta internet speed chak leh chu Vodafone a ni a, 5.66 mbps a ni a, Reliance chu 2.64 mbps, Tata Docomo chu 2.52 mbps a ni. BSNL leh Aircel a chak lo ber a, BSNL hi 2.26 mbps a ni a, Aircel hi 2.01 mbps a ni.