Luhan a lungawi lo hle

EXO member ṭhin Luhan chu Chinese reporter pakhatin a chanchin a tihtlangthan danah a lung a awi thei thlawt lo, “A kâ chîk hmak rawh se,” a ti.

Chinese reporter Zhou Wei chuan The Great Wall-a chang, EXO member hlui Luhan bialnu chu a rai niin a tlangzarh chiam mai a, social media-ah Luhan hian zawhna a chi hrang hrang a dawn hnem phah hle. Hetia a chanchin chhe deuha a tihtlangthan avang hian Luhan hi a lungawi lo hle a, Zhou Wei chu a kâ chip hmak a, thil sawi chhuak ve tawh lo turin a duh.

An kawmnaah Luhan chuan, “Mi pakhat chu awmze nei loin a lo ṭawng ve mai mai a, China-a paparazzi ṭha ber i ni tih ka hria. Tu chanchin nge ka sawi pawh hi i hria,” a ti. A tir chuan a lungawi loin a thin a rim hle tih a sawi a, mahse tih theih a nei lo tih a inhriat hnuah hla thar ṭha tihchhuah chu a chhan let theih niin a ngai ta a ni. A hla thar chungchang a sawi hi Roleplay a ni. “Thu ho mai mai i sawi i sawi leh chuan i kâ ka chîp tir ang che,” a ti.