Remna Niah Keimahni

Active Sound leh Jeronimo Channel ṭangkawpin an buatsaih Mizo Sitcom hmasa ber tur KEIMAHNI chu naktuk, Remna Ni zan dar 8 aṭangin en theihin a awm dawn ta.

KEIMAHNI hi Runmawi App-ah en theihin a awm dawn a, episode pakhat Rs 60 lek chawiin a en theih dawn a; episode 10 a awm ang.

He Comedy Serial-ah hian, Lily Darnei bakah Champhai nula talent nei ṭha PCL Muansangpuii te, PUC Music Video aṭanga kan hmelhriat, lehkhabu pahnih tichhuak tawh, Maubawk tlangval Hriatpuia Kion te, CKṬP & MSACS buatsaih film competion-a Best Actor lawmman latu Faka Hnamte, Chhinga Veng leh Zonet crime serial 0389 aṭanga kan hmelhriat ṭan, CKṬP Film 'Hnehtu' a changtute zinga mi, Chanmari tlangval Maruata Rawite te chu a changtu berte an ni dawn.

Anni bakah hian Guest starring atan Miss Mizoram 2018 Thanthani te, Mizo zaithiam zinga lar ber pâwl K. Hminga te leh Triau Trackx drummer leh songwriter Ramenga Ramboss-te hmel pawh kan hmu bawk dawn a ni.

Mizoram khaw hrang hrang aṭanga Champhaia hnathawka awm, building pakhat luah ho avanga ṭhian ṭha lo ni tate chanchin a ni dawn, a hmuhnawm ang.