Ed Sheeran-a’n music chawlhsan a hreh lo

Khawvel music pianhmang rawn tidanglam a, ‘Shape of You’ hmanga rawn thlak danglamtu Ed Sheeran chuan music khawvel chawlhsan hi a hreh lo a, a la chawlhsan hmel khawp mai.

Ed Sheeran hian music industry chhuahsan a, mi pangngai anga nun hman leh hi a hreh hauh lo a, nupui a neih a, fate a neih chuan a chawlhsan leh dawn. Ed Sheeran hian music ngaina viau mah se, nupui fanau a neih a, chhungkaw bul a ṭan tak tak chuan music hi a chawlhsan ang tiin khawthlang chanchinbu ṭhenkhatten an tarlang.

Kum 26 mi zaithiam hian tour a nei dawn a, chumi tur chuan a inbuatsaih mek. Hetiang boruak a awm reng lai hian Ed hian a bialnu hi neih a duh hnai niin an sawi bawk. Chanchinbu ṭhenkhatin an tarlan dan chuan, “Tour a neih chhunga a bialnu nena an inhmangaihna hi a par vul zel chuan a leh pek chu inneih a ni tawh hmel,” a ti.