Skid Row-in an album thara mi tur hla an buaipui mek

Skid Row bassist Rachel Bolan chuan Groove Entertainment 'Live Music Happy Hour'-ah an album thara mi tur hla an buaipui mek tih a sawi a, '18 and Life' hitmaker-te album hi kan hmu thuai turah beisei ang.

Bolan chuan an album thar tur producer  Michael Wagener hoin hun eng emaw chen hna an thawk ho tawh tih leh hla pawh eng emaw zat chu an record tawh tih a sawi. Chutihrual chuan hla thar pawh an la phuah mek tho a, record thar chhawp chhuak tur chuan an hmanhmawh lem lo niin a sawi bawk.

Skid Row album thar tur hi Tony Harnell-a'n an band a chhuahsan hnua kum 2016-a vocalist atana an lak thar  ZP Theart hoa an LP hmasa ber tur a ni a, Corey Taylor (Slipknot) bakah Halestorm member Lzzy Hale  leh Joe Hottinger-te pawhin an thawhpui dawn niin thawm a lo awm deuh tawh bawk a ni.

Album pariat an tichhuak tawh a, studio album panga leh Extended play pathum tichhuak tawhin United World Rebellion trilogy chapter tawpna tura ngaih a ni.