Pokémon Go-in kum li chhungin $tld 3.6 lalut hman

Niantic mobile game siam Pokémon Go chuan tlangzarh a nih aṭang khan $tluklehdingawn 3.6 (Rs vbc  26,940.7) vel lai sum a lalut der tawh niin mobile intelligence firm Sensor Tower chuan a tarlang.

Pokémon Go hi kum July 6, 2016-a tlangzarh kha a ni a,  augmented reality (AR) mobile game niin Niantic hian The Pokémon Company thawhpuia an siam a ni. GPS hmangin Pokémon hmun hrang hranga awmte chu kalkualin a man theih a, a tlangzarh a nih tirh kha chuan species 150 vel chiah man tur awmin, tunah chuan 600 vel lai a awm tawh niin Wikipedia lamah chuan a inziak.

Pawna kal chhuaka man tur zawn ngai game a nih avangin khawvel hmun hrang hrang lockdown a nih dawn khan  Niantic huan a game mechanic thlakin in aṭanga khelh theih turin an duang a, hei hian awmzia a nei hle a niang; kumin kum chanve chhung khan $mtd 445 lai sum an la lalut tho.

Pokémon Go hi down­load tu mtd 576.7 vel an awm tawh a, heng zinga mtd 105.2 vel hi chu US-ah niin US-ah hian an uar fal hle a, Brazil leh Mexico-te chuan download tam lamah US hi an dawt a ni.