Disney-a Johnny Depp dinhmun a derthawng

Pirates of the Caribbean-a changtupa Johnny Depp chu Disney hnuaiah a dinhmun a nghing a, Disney hnuaia film-ah te a chang zel thei ang em tih pawh a hriat ta lo.

Johnny Depp hi nupui a ṭhen avanga hetiang harsatna leh dinhmun chiang loa awm hi a ni ber mai. Ti ti-ah phei chuan Pirates of the Caribbean: Dead Men Tell No Tales hi a chan hnuhnun ber a ni mai thei. Disney nen tunah hian an inbe mek a, an inbiakna a kal fuh hlauh chuan Disney hnuaia film-ah te a chang zui zel thei thung ang.

Pirates film pangana an siam tirh chhoh aṭang khan Johnny Depp avangin Disney hian harsatna an tawk fo. An chan laiin a kutzungṭang chu a chiang lo a, zai turin US-ah a kal a, USD maktaduai tam tak Disney hian a sên phah a, chu chuan an film siam budget pawh a tihpun phah. Chu mai bakah, khatihlai kha Amber Heard nena an inneih lai a ni. Pirates film changa Australia-a an awm laiin Johnny Depp hian Amber Heard ui chu test paltlang loin Australia-ah a hruai a, Australia sorkar a lungawi lo a, Disney hi chhiah tam tak a tuk phah mai thei tiin a vau nghe nghe. Amber Heard nen an inṭhen a, boruak chhia a awm chho ta bawk nen.

Hetiang harsatnate hian Pirates film a tlakbuak avangin Dead Men Tell No Tales film hi hlawk pha tur chuan he film hian USD mtd 800 tal a hmuh tlin a ngai an ti.