Israel-a Radiohead concert tur an duh lo

‘Creep’ hla hmanga khawvela band ropui zinga inhlangkai thei Radiohead chuan Israel-a sumdawnna khawpui lian Tel Aviv-ah concert an tum a, mahse Pink Floyd-a mi Roger Waters leh midangten an concert neih tur hi an duhpui lo.

Roger Waters leh milar dang 47 te chuan Radiohead-in Tel Aviv-a concert neih an tum hi ṭhulh turin an duh. Artist for Palestine UK chuan alternative rock band te Israel-a an luh lohna turin lehkha an ziak a, hetah hian Roger Waters leh midangte hian hming an ziak ve a ni. Hetianga an tihna chhan chu Israel hian Palestinian te dikna leh chanvo a palzut avang leh, khawvel pum dan a bawhchhiat vang a ni an ti.