Nukawki Pasal Keimah Zabilha Ṭawngṭai Dam Thei Zaninah tlangzarh a ni dawn ta

Mizo comedy film thar 'Nukawki Pasal Keimah Zabilha Ṭawngṭai Dam Thei' chu zanin dar 7 hian Saikuti Hall, Lungleiah tlangzarh a ni dawn.

He film hi Co-Producer Lailen Consultant CEO Alan Lalhriatpuia chuan a tlangzarh dawn a, Tlau Entertainment Mizofilm award 2021-a award hui tam ber, Best Film Awardee 'Dengi i love you' siamtu Conflate video-te kut chhuak leh bawk a nih bakah, Best Actress Rosangpuii Ralte leh Best supporting Actor K.Vanlalawmpuia te an chang a ni.

B.Lalbiakvela chu director niin script ziaktu a ni nghal bawk a, Director of Photography chu Ngaih-awma Fanai a ni thung.

Lockdown hunlaia veng pakhat VLTF strict takin lockdown an kalpui dan vel chungchang a ni dawn. Trailer aṭang ringawt pawha en chakawm tawh tak film hi Sakuti Hall-a leng tawk ticket an siam a, Rs. 200-a an zawrh chu man to zawka leichhawngte pawh an awm niin an sawi hial.

Zanin dar 8:30 aṭang hian Lersia Play apps aṭangin man tlemte chawiina a en theih nghal dawn bawk a, Saikuti Hall pan thei lote leh khaw danga awmte pawhin tlangzarh zanah la la hian an en thei nghal dawn a ni.