Mabiaki Pachuau music video thar a hnai

Mizo folk song singer lawm hlawh ber pawl Mabiaki Pachuau chuan lenglawng hla mawi tak 'I dawn chiang lo' chu tihchhuah turin a peihfel ta.

He hla hi MDM-in kum 2018-a hla inphuahsiak a buatsaih ṭuma lawmman pahnihna dawngtu, Manuna leh Feli Fanai-te'n thiam taka an sak 'I leng dun zel ang' tih hla phuahtu Lalhmingmawii Rawihte phuah a ni a, hla thar niin tuma la ngaihthlak ngai loh a ni. Nupa hlim tak ni ṭhin, nupui thlak avanga chhungkaw kehchhe ta, chumi avanga naupang pawi sawi lote'n an tawrhna lam hla a ni dawn.

Mizo rilrem zawng tak hla a ni dawn a, AZ Entertainment chuan music video buaipuiin a hla teaser hi MDM lam pawhin an tichhuak tawh nghe nghe a ni.