Ghostbusters: Afterlife 2 tlangzarh hun tur chu...

Sony Pictures chuan Thawhlehni khan kum 2021-a an tihchhuah supernatural comedy 'Ghostbusters: Afterlife' chhunzawmna chu December 20, 2023-ah an tlangzarh dawn tih an puang.

Tlangzarh hun tur puangzar mah se a film official title tur erawh an la puangzar loa, Jason Reitman bawk director a ni leh dawn. Tute nge inlan leh dawn tih pawh chiang takin an la sawi loa, mahse Mckenna Grace, Paul Rudd, Finn Wolfhard, leh Carrie Coon-te chu an inlan leh a rinawm.

Hripui leng karah 'Ghostbusters: Afterlife' khan sum a lalut ṭha angreng hle a, $mtd 200 chuang lai sum a lalut a ni.