Fiona aiah Grace

In Vogue Ṭhazual Fakna chart-ah Fiona a liam a, 'I hming chauh' aiin 'Kross-ah chuan' tih hla Grace sak a rawn lang ta zawk.

Fakna chart lamah pakhatna lo luah fo tawh, Mizo Idol Grace chu 'Krossah chuan' tih hla hmangin pakhatna a rawn luah. Grace hi 'Kross­ah chuan' hla hmang hian March 27 khan pasarihnaah a rawn lang ṭan a, April 10 khan pathumnaah kaiin, a vawi thum lannaah pakhatna a luah. Ṭhazual chart-ah hian vawi thum lannaa pakhatna luah nghal thei hi tlem te chauh an awm.

'Krossah chuan' tih hla hi kum 2016 Good Friday puala Ṭhutmuan Rimawiah khan Grace hian a lo sa tawh a, tichuanin kuminah he hla hi a tichhuak ta a ni. Good Friday pual deuha a siam a ni a, Good Friday hman liam hnuah pakhatna a rawn luah ta a ni.

TBC Zaithanpuia hla 'Zawh ka zuam lo' chu pahnihnaah bawk a awm leh a, pakhatnaa a luh chhoh a rinawm viau laiin, Grace hian pakhatnaah a rawn luh khalh. Fiona Pachuau chu pakhatna aṭangin pathumnaah a chhuk thla.

Top 10 aṭangin TBC Zaithanpuia hla pakhat zawk 'Nang chauh i ni' tih leh, Bethsy Lalrinsangi sak 'Mifelte chauh thlang lova' tihte chu a chhuak a, a thar pahnih a lut thung. Top 10-a lang thar hi CR Laldingliani 'Ropui ber' leh JH Lallungmuana 'Ka intiam e' tih hlate a ni.

In Vogue Ṭhazual Fakna

1 Grace Lalchhanhimi - Kross-ah chuan

2 TBC Zaithanpuia - Zawh ka zuam lo

3 Fiona Pachuau - I hming chauh

4 Sawmtea - I tan ka hlan

5 Hlimhlimi - Inenfiah rawh

6 Pensy B. Lalthangliani- Ka inhumhimna

7 Sangtei Renza - Hnehna Hla

8 Lalhlumawii - Ka Lal i ni si

9 CR. Laldingliani - Ropui ber

10 JH. Lallungmuana - Ka intiam e