Kendrick Lamar Album-in hma a hruai

Drake-a ‘More life’ te, John Mayer-a ‘The Search for Everything’ aiin Kendrick Lamar-a album thar ‘DAMN’ chu a ropui zawk a, Billboard 200 chart-ah pakhatna a luah chiang.

Kendrick Lamar album thar ‘DAMN’ hi a hlawhtling hle a, kar liam ta chhung khan copy 603,000 zet an hralh thei. Heng zinga copy 353,000 zet hi album pangngai, CD ang chi ho kha a ni a, a bak hi album tlukpui a ni; tunlai khawvelah chuan album pangngai anga hralh hnem berte zinga mi a ni.

Kendrick Lamar album thar pakhatna a rawn awm leh chiah hian, Lamar hian Drake leh Future te chauh thlen theih, a kum zawna kum thum chhung pakhatna luah thei a rawn nei ve ta. Heng zaithiam pathumte hian kum 2015, 2016 leh 2017 chhungte hian Billboard 200 chart-ah pakhatna an luah thei.

John Mayer album pawh hi a theuneu lo viau a, kar liam ta chhung khan copy 132,000 zet a hralh. He album ‘The Search for Everything’ hi John Mayer tana chuan album ropui, a hmingthanna belhtu a ni tho; Mayer-a album top 10-a lang thei pariatna a ni.

Drake-a album ‘More life’ chu pathumnaah tla thla mah se a hralh zat aṭang chuan a la turu viau; chawlhkar kalta chhung khan copy 87,000 zet a la hralh thei cheu. Ed Sheeran-a ‘Divide’ chu palinaah awmin, copy 66,000 a hralh.

Billboard 200

“DAMN” - Kendrick Lamar

“The Search for Everything” - John Mayer (132,000)

“More Life” - Drake (87,000)

“Divide (division sign)” - Ed Sheeran (66,000)

“Memories...Do Not Open” - The Chainsmokers (61,000)

“Moana” Soundtrack - Various Artists (50,000)

“24K Magic” - Bruno Mars (44,000)

“Future” - Future (38,000)

“Beauty and the Beast (2017)” Soundtrack - Various Artists (37,000)

“The Fate of the Furious” Soundtrack - Various Artists (37,000)