Armenian Kristiante suat an nih dan film

Armenian Genocide
Ottoman Muslim sorkar hian Armenian Kristiante hi maktaduai 1.5 vel a tihlum nia hriat a ni Tunlai Turkish sorkar hian Armenian Kristiante an suat hi an pawm duh lo US hi Turkey thurualpui ram a nih avangin Armenian Kristiante suat an nih thu hi a pawm lo reng a, kum 2010 khan a pawm ve chauh Armenian thlah zinga khawvel hriat hlawh chu Kardashian chhungkua hi an ni

Kum 1915 aṭang khan Turkish Muslim sorkar chuan a awp chhunga Armenian Kristian, khawvela hnam puma Kristian ni hmasa ber chu a suat vak mai. Armenian Kristiante suat an nih dan hi film-a siam a ni a, hetah hian Batman changtupa Christian Bale a chang.

He film hming hi The Promise tih a ni a, director hi Terry George a ni. Terry George chuan, “Armenian-te suat an nih thu hi kum zabi 20-a chhiatna lian tak, mahse miin an hriat mang si loh a ni,” a ti a, he filmaṭang hian Armenian Kristian-te rinna ngheh leh tlozia a lang dawn niin a sawi.

The Promise film hi love story anga kalpui a ni pah a, Kristian tihduhdahna bakah hian journalist pakhatin hmangaih a neih chanchin a lang ang. Journalist lemah hian Christian Bale a chang. Ottoman sorkarin Michael-te khua an tichhe vek a, anni hian raltlante zawm vein, raltlanin Ottoman sorkar an dodal dante tihlan a ni bawk dawn. He film hi April 21 hian tihchhuah a ni ang.