Maenga a liam ta

'A nuam awm vei' hmanga Zofate min awitu Lalengmawia (Maenga) chu nimin khan lei cancer vangin kum 46 mi niin Civil Hospital, Aizawlah a thi.

Maenga hi Zonuam Venga khawsa niin lei cancer vang hian hun eng emaw chen enkawl a ni tawh a, nizanah khan a ruang lumen niin vawiin hian vui a ni ang.

A hunlai chuan Maenga hi Mizo zaithiam lar ber pawl a ni ṭhin a, 'A nuam awm vei' bakah hian hla hit tak tak 'I innei mai ang', 'Sial khawpui', 'Ka haw mai dawn lo', leh 'Seat kan chang lo' tih hlate hmangin Zofate min awi ṭhin a, heng hlate hi kum 2000-10 inkar velah kha chuan Mizo hla hit ber pawl a ni ṭhin.