OnePlus Nord 2T 5G India ramah tlangzarh ta

OnePlus Nord 2T 5G chu nimin khan India ramah tlangzarh a ni.

Nikum lama OnePlus-in an tlangzarh OnePlus Nord 2 5G aia upgrade hret niin 90Hz AMOLED display tho a hmang a, triple rear cameras leh 4,500mAh battery a hmang bawk. Mahse octa-core MediaTek Dimensity 1300 SoC a hmang thung a, 80W fast charging a ni bawk. He phone hi Motorola Edge 30, iQoo Neo 6, Poco F4 5G, Mi 11X, leh Samsung Galaxy A33 5G-te nena inel ho tura rin a ni.

Variant chi hnih a awm a, 8GB RAM + 128GB storage variant chu Rs. 28,999-in India ramah chuan zawrh a ni dawn a, 12GB + 256GB model chu Rs. 33,999 man a ni thung ang. Rawng chi hnih Gray Shadow leh Jade Fog a awm a, July 5 aṭang hian Amazon, OnePlus.in, OnePlus Store app, OnePlus Experience Stores leh ram chhunga dawr hrang hrang thlan bikah an zuar chhuak dawn.

OnePlus Nord 2T 5G Key Specs:-
Display 6.43-inch
Processor MediaTek Dimensity 1300
Front Camera 32-megapixel
Rear Camera 50-megapixel + 8-megapixel
+ 2-megapixel
RAM 8GB, 12GB
Storage 128GB, 256GB
Battery Capacity 4500mAh
OS Android 12
Resolution 1080x2400 pixels