Zari Jail Dairy tlangzarh a ni

Mizoram buai chhung, kum sawmhnih chhunga thil thleng zinga sawi hlawh ber pakhat, IGP kah hlum kaihhnawiha man, B. Vanlalzari tawrhna leh a tawnhriat khung khawmna 'ZARI JAIL DIARY' chu July 2, 2022 khan Synod Conference Centre-ah Zoramthanga, Chief Minister chuan a tlangzarh.

Dam chhung tang tura hrem Zari hian a hun tam ber Tezpur Jail-ah a hmang a, a tan hun chhung belhkhawm hi kum ruk a ni.

A chanchin bopil mai loa a bua a lo chhuak thei ta hi, a hunlaia mite leh ṭhangthar bakah, Rambuai literature tuipuitute tan lehkhabu hlu tak tur a ni. C. Lalawmpuia Vanchiau leh Hmingthanzuali-te lehkhabu buatsaih (edited) hi phek 288 a chhah niin, Rs 300 man a ni.