Rubaru Mr. India finalist zingah Mizo tlangval Fabian Lalrinpuia

Fabian Lalrinpuia, Armed Veng, Aizawl chu September thlaa Chennai-a neih tur, Indian mipate tana pageant buatsaih ṭhin zinga lian ber pawl leh hlut hlawh berte zinga mi; 'Rubaru Mr. India' finalist zingah telin Mizoram aṭanga hetiang dinhmun thleng thei hmasa ber a ni.

Rubaru Mr India nilai Songashim Rungsung leh 'Hringnun Keh Them' lehkhabu ziaktu Amos MS Dawngzuala-te chuan theihtawpa hma lain, Mizo tlangval Fabian Lalrinpuia hi an thlang a ni.

Rubaru Mr. India championship-a Mizoram aiawh tur Fabian Lalrinpuia hi tlangval fel leh invawng tak niin, Civil Engineering-ah degree a nei a, Science Congress-ah Mizoram ai lo awh tawhin, Mizoram huap Mathematics inelnaah pawh lawmman pakhatna a lo la hial tawh. Hriselna leh fitness ngai pawimawh tak a ni bawk.

Rubaru Mr. India Contest hi kum 2004 khan neih ṭan niin kumin hi a ṭum 18-na tur chiah a ni. Mipate tana hetiang lama inelna buatsaihah chuan a upa ber leh changtlung bera ngaih a ni. He contest hian khawvel pum huap modelling competition leh championship thawhpui a ngah hle a, a tiṭha zualte hian khawvel huap inelnnaah India ai an awh ṭhin bawk.