John Mayer leh CAA-te'n inremna ziak

Singer-songwriter, virtuoso guitarist, solo artist, Dead & Co member ni bawk John Mayer leh CAA chuan kawng hrang hranga thawkdun turin inremna an ziak.

John Mayer hian March thla khan hunrei tak chhung a thawpui tawh Columbia Records chu a chhuahsan tih sawiin tunah chuan CAA hi a thawhpui dawn ta a ni.

Social media lamah Mayer hian,"Kum 21 hnuah, studio album pariat tichhuakin mimal ang pawha inlaichinna ṭha tak ka lo neihpui tawh hnuah ka Columbia Records nena an inremna chu pawhsei ka tum ta lo a ni," tiin ui tak chungin Columbia Records chu a lo mangṭha tawh a, tunah chuan ama sawi lawk ang ngeiin kawng thar a zawh dawn ta.

A tira khawvelin pop artist ni tura a ngaih, a hnua guitarist-te'n an atchilh rawn tak Mayer hian Columbia Records hnuaiah hlawhtlinna tam tak a chang hman. Billboard 200 chart topper album pathum a neih Heavier Things (2003), Battle Studies (2009) leh Born and Raised (2012)-te kha Columbia hnuaia a tihchhuah a ni a, a album tihchhuah hnuhnung ber Sob Rock pawh kha Billboard Album Sales chart lamah topper a nihpui tho a ni.

John Mayer hian Grammy nomination 19 lai hmu tawhin chung zinga pasarih chu a hum haw nghe nghe a, khawvel pumah album copy maktaduai 20 vel lai chu a hralh tawh bawk.