Miss India 2022 Sini Shetty

Sini Shetty chu Pathianni zan khan Miss India 2022 atan thlan a ni.

Miss India 2022 thlanna hi Pathianni zanah khan Jio Convention Centre, Mumbai-ah neih a ni a, Karnataka aiawha tel, kum 21mi Sini Shetty chu Miss India 2022 crown khumtu ni tain Miss India 2020, Manasa Varanasi chuan Miss India crown hi a hlan.

VLCC Femina Miss India grand finale-ah hian lemchan thiam Neha Dhupia, Dino Morea leh Malaika Arora, designer Rohit Gandhi leh Rahul Khanna, choreographer Shiamak Davar bakah cricketer Mithali Raj-te chu jury panel-ah an ṭhu a ni.

Rajasthan aiawh Rubal Shekhawat chu 1st Runner-Up niin Uttar Pradesh aiawh Shinata Chauhan chu 2nd Runner-Up a ni thung.

Sini Shetty belchiang ang
71st Miss World Pagent-a India ram aiawhtu tur Sini Shetty hi Mumbai, Maharashtra-a piang leh seilian a ni thung. Unau pahnih zinga a naupang zawk niin u mipa a nei. A naupan lai aṭangin lemchan leh lam a tui hle a, kum 4 mi lek a nihlai aṭangin lam lamah bul a ṭan tawh.

St Dominic Savio Vidhyalaya, Mumbai-ah school kal ṭhinin S. K. Somaiya Degree College of Arts, Science and Commerce aṭangin accounting & finance-ah a graduate-a ni. Ft 5 leh inches 9-a sang niin kg 55-a rit a ni.