SEKI 2022 Zaninah Top 5 Round, a pui dawn

Active sound buatsaih SEKI Inter Village Band Contest Season 2 kal zelah zaninah hian top 5 round inelna Vanapa Hall-ah neih a ni dawn a, U-19 category-a band tel pangate leh Open Category-a band la tling pangate an inlan leh dawn.

U-19 category-ah hian Ramhlun South LC, Chaltlang LC, Ramthar Veng LC, Dinthar LC leh Chhinga Veng LC-te an tel a, tin, Open category top 5 round-ah chuan Serkawn VC, Lunglei, Chanmari West LC Polysphere, Electric Veng LC, Ramthar Veng LC leh Chanmari West LC-te an inel leh dawn a ni.

A hmuna chhim duhte tan a hmunah ticket lei theihin a awm dawn a, round dangah pawh Vanapa Hall khat ṭhapin veng/khaw hrang hrang rock fan-te an fuankhawm ṭhin a, zaninah pawh hian boruak a alh chhoh leh viau a rinawm. A hmuna chhim thei lote tan LPS PPV leh Online PPV kaltlangin a en theih dawn bawk.

Zaninah hian Dr. Reuben (IIIrd Sovereign) chu guest judge a ni dawn. July 7 zanah hian U-19 category result puan a ni ang a, July 8 zanah Open Category result puan a ni thung ang. Result puan zanah hian concert a awm nghal ve ve dawn bawk a, Mizo rimawi khawvela hming langsar ber berte an inlan dawn a ni.

PPV hi zan thum atan Rs. 100 lek chawiin a en theih dawn a, mahni veng/khua cable operator-te biak mai tur a ni. LPS cable TV pawt lo, internet PPV lama en tumte chuan Ph: 8119965273/7629857948-ah hian zawhfiah theih reng a ni.