Honda BigWing Ṭhazual Lengzem ; Siampuii Ralte 'Leng lerh' a mawi ber

Hondo BigWing Ṭhazual Lengzem chart-ah tunlaia lengzem singer lawm hlawh ber pawl Siampuii Ralte chu pakhatna a ni a, a hla mawi tak 'Leng lerh' chu pakhatna a nihpui.

Siampuii zai thiam zia leh tunhnaia huhang a neih ngah zia pawh kan hria. 'Leng lerh' pawh hi YouTube lamah thla khat vel chiah a la dah a, chuti chung chuan thlirtu nuai thum dawn an awm tawh. A hla dah thar apiang hi rei lo teah nuai chuangin an thlir thuai zel a, chuvang chuan chart topper a ni pawh hi a mak lo hle.

Chart a HOT viau zel
Ṭhazual Lengzem chart hi chu a hot viau zel. Tunah pawh Siampuii dawt chiaha awm chu Rebecca Lallawmsangi niin, a hla thar hit tak mai 'Ka neih chhun' chu pahnihna a nihpui mek. Pakhatna a nihpui thuai pawh a rinawm.

Pathumna pawh tu dang ni loin Jt Production a ni a, a hla mawi tak 'Duhthusam suangtuahna' chu pathumna a ni.

Chart-ah hian hming langsar tak tak an la awm nual. Keimah Senes x Tlangval Tlumtea x Lil Me leh Latei Hringngen te ho hming a intlar thla duat a, lengzem chart a la hot chho zel dawn tih a chiang.