Denzel Washington-a'n Presidential Medal of Freedom dawng dawn

US President Joe Biden chuan Zirtawpni liam ta khan Presidential Medal of Freedom dawng tur mi 17 hming a puang chhuak a, chung zingah chuan lemchan thiam Denzel Washington pawh a tel.

Presidential Medal of Freedom hi kum tina sem ṭhin niin American society, culture, politics leh khawvela muanna a awm theihna tura thawh hlawkte hnenah hlan a ni ṭhin a; July thlaah White House-ah a hlanna inkhawm an buatsaih ṭhin a ni.

Kumina chawimawina dawng tur zingah hian Denzel Washington tih loh hi chu lemchan thiam emaw entertainment khawvel lam emawa mi langsar an awm lo a, infiamna khawvel lam mi Simone Biles leh Megan Rapinoe-te erawh an tel thung.

Washington hi lemchan khawvela sulhnu hnutchhiah ṭha ber zinga mi leh mite ngaihsan ber zinga mi a ni a, Oscar award pahnih dawng tawhin nomination phei chu pariat lai a hmu tawh. Presidential Medal of Freedom dawng turte hi July 7, Ningani hian an hlan dawn a ni.