West Bengal-in I League a thleng dawn?

Indian football-a league ngaihven hlawh I League chu Covid-19 vangin home & away anga khelh theih a beiseiawm lo a, thu thar berah chuan league hi season thar lo awm tur atan West Bengal-in a thleng dawn. 

West Bengal football-a thuneitu sang ber Indian Football Association (IFA) chuan I League thlen an inhuam thu an sawi tawh a, IFA secretary Joydeep Mukherjee chuan I League khelhna tlak stadium paruk vel an neih thu a sawi. 

All India Football Federation (AIFF) chuan sum tamna Indian Super League pawh hmun khata khelh turin ruahmanna a kalpui mek tawh a, thuthang lengvelah chuan Goa chu ISL thleng tura rinkai ber a ni. Hetihlai hian Kerala hming pawh lamrik a ni tho a, chutihrual chuan Goa-in a thlen theih loh tak thutin tih thuah chauh Kerala hming erawh lamrik a ni thung.