Hei le, 'Minions: The Rise of Gru' chu

Computer animated comedy film 'Minions: The Rise of Gru' chu Zirtawpni liam ta khan US-ah tlangzarh a ni a, sum a lalut tam nghal hem hem hle.

US-ah chuan theatre 4,931-ah kar tawp liam ta chhung khan chhuah a ni a, $125,190,000 lai sum a lalut. Ram dang aṭangin $93,772,000 zet lalut bawkin a sum lakluh zawng zawng zat belhkhawm chu $218,962,000 a tling hial a; kumina film tlangzarh zinga sum lalut tam 10-na a ni nghal der mai.

Despicable Me franchise film pangana, Minions spin-off film hi hripui leng vangin tlangzarh an tum aia kum hnih laia tlaiah an tlangzarh a ni. Critics lamin an fak angreng hle a, a bikin musical lam leh naupang tana lawmawm tur taka an siam thiam chu an fak a, a film plot erawh sawiseltu an awm ve nual thung. Rotten Tomatoes-ah chuan mi 131-in review-in rating 6.2/10 a hmu.

'Top Gun: Maverick' chu a la thlawk sang reng a, theatre 3,843 aṭangin $33,000,000 lalut lehin a sum lakluh tawh zawng zawng chu $1,115,975,367 lai a ni der tawh. Kumin chhunga film tlangzarh zinga $tld lalut tling hmasa ber niin tunah chuan Doctor Strange 2 chungah thlamuang takin a thlawk thei tawh a ni.

Kar hmasa lama pakhatna 'Elvis' chu pathumna niin theatre 3,932 aṭangin $23,500,000 a lalut a, a sum lakluh tawh zawng zawng zat chu $118,320,000 a ni.