Rachel Nichols film channa tur ‘Dark Night Of The Soul’

'Continuum', 'Star Trek' leh 'G.I. Joe: The Rise Of Cobra' actress Rachel Nichols chu ‘Dark Night Of The Soul’ film-ah a chang dawn.

Writer-director SJ Creazzo film siam tur hi scientist pakhat, car-a chesuala, a car-a tang zui, a dam khawhchuahna tura bei chanchin a ni dawn a, khawvel tibuai mektu hripui leng tihrehna tur kawltu a nih bawk si avangin a dam chhuah chu a pawimawh dawn hle a ni, tiin a film hawi lampang tur chu tarlan a ni.

Production company Dreamality Entertainment chu he project-a hmalatu an ni dawn a, kumin favangah hi chuan New York lamah chan ṭan hman an tum bawk.

Rachel Nichols hi Netflix horror film 'The Last Will and Testament of Charles Abernathy'-ah a chang dawn bawk a ni.

American lemchan thiam hi film eng emaw zatah a inlan tawh a, kum 202 khan 'Breach' film-ah changin hei bak hi chu tunhnaiah film pangngai channa a nei lo thung. Hetihlai hian series lamah erawh a inlan nual tawh a, 'Titans'-ah pawh khan Angela Azarath lemah changin Season 1 leh 2-ahte khan a inlan fo a ni.