Beyonce-i'n Humanitarian Award a dawng dawn 2020 BET Awards-ah

Pathiannia sem tuir 2020 BET Awards-ah  'Black Parade' hitmaker Beyonce hnenah Hu­manitarian Award hlan a ni dawn.

Beyonce hi a BeyGOOD intiative vangin an chawimawi dawn a ni. BeyGOOD kaltlang hian pawisa tam tak a thawk chhuak a, chu chu college-a hmeichhe harsa ṭanpuina atan te UNICEF thawhpuia BeyGood4­Burundi dinna atante a hmang a ni. Hemi hmang hian East Africa ram Burundi-ah tui thianghlimte a sem bakah faina kawngah hma nasa takin a lakpui bawk.

Kum 2018 khan Beyonce hian Homecoming Scholars Award Program a lo siam tawh bawk a, hemi hmang hian HBCU college leh university pariata zirlaite a ṭanpui a ni.

Kuminah pawh hian #IDI­D­MYPART mo­bile testing ini­tia­tive siamin chumi kaltlang chuan Houston-a black and brown community-te chuan coronavirus test an neih theih phah.

2020 BET Awards-ah hian Nicolas Johnson, Timbaland, Swizz Beatz, leh D-Nice-te pawh chawimawina hlan an ni dawn a, anni hi 2020 Shine A Light Honouree tur an ni ang. NBA legend Kobe Bryant zahna lantirna hun hman a ni dawn bawk.

BET Awards hi kum 2001 aṭanga sem ṭan kha niin Black Entertainment Television chuan African American-te leh Ame­rica rama minoriry dang, rimawi, lemchan, infiamna leh entertainment field danga che ṭhate chawimawina hun atan hman a ni ṭhin. Bulṭan a nih aṭang hian khél loin kumtin an la sem ziah a, kumin hi a kum 20-na  a ni tawh dawn a ni.

Kuminah hian hripui len vangin virtual-in award semna hi an nei dawn a, BET bakah hian CBS pawhin an pe chhuak dawn a ni. Kumin hian  Black Entertainment Television kum 40 tlin lawna pual nipah fawmin hun hman a ni dawn a, virtual ceremony an buatsaih hmasak ber tur  ani bawk.

June 15 khan nominee puan chhuah a ni tawh a, Megan Thee Stallion leh Roddy Ricch-te chu nomination hmu tam niin paruk an hmu a ni.