Matrix 4 Germany-ah chan chhunzawm

Keanu Reeves leh a thawhpuite chuan hripui leng karah Germany-ah 'The Matrix 4' production an chhunzawm.

Pathianni khan Keanu Reeves, Carrie-Anne Moss leh Neil Patrick Harris-te chu Berlin, Germany-a Schonefeld Airport-ah hmuh an nih thu Aceschowbiz chuan Ningani khan a tarlang. Mahse film star-te hi an film-a an thawmhnaw hak ṭhin nen erawh hmuh an ni lo thung a, inchei dan phung pangngaiin an inchei a ni.

Keanu Reeves hi a bialnu Alexandra Grant nen hmuh dun an ni bawk.

The Matrix hmasa ber kha kum 1999-a tlangzarh a ni a, a hit hle. Kum 2003 khan a chhunzawmna pahnih The Matrix Reloaded leh The Matrix Revolutions tlangzarh zui a ni leh a, sum pawh an lalut tam hlawm hle a ni. Kum 16 lai a liam hnuah a chhun­zawmna an siam leh chauh a, a changtute erawh film hmasa lama mite an la ni dawn tho a, a hit leh hle tura beisei niin nghakhletu pawh an tam hle.