Remkimi Cherput hla thar tichhuak

Ṭhazualah te pakhatna a luah hnuah Remkimi Cherput hla thar ber chu audio-in tihchhuah a ni. Remkimi hla hi Mizo hla hlui chuai lo ‘Ṭhâl awiin lelte pa’n’ tih hla kha a ni.

Remkimi hla thar ‘Ṭhâl awiin lelte pa’n’ tih hla hi Blue Wave Record Label chuan tichhuakin, YouTube-ah pawh dah a ni a, a ngaihthlak theih tawh. He hla hi music video-a chhut chhunzawm a tum leh tum loh Remkimi Vanglainiin a zawhnaah Remkimi chuan, Music video-a siam ka tum rih lo,” a ti.

Remkimi hian a hla thar chungchangah “He hla hi hman deuha kan record tawh kha a ni a, music video-a siam lam erawh ka ngaihtuah lo. Delhi-ah ka awm leh tawh a, hma han lak dawn pawn tihngaihna a awm rih lo. Rawn haw hi a harsa ang reng bawk sia,” a ti. Delhi-ah hnathawkin a awm mek. Kuminah a hla thar dang pawh kan ngaithla tawh rih lo mai thei a, a hna avangin a chin a sawi thei lo a, music video emaw hla thar lamah rilru a seng thei rih lo a ni.