Fate of the Furious chan a lo ṭha ber Top 10-a Baahubali 2 a lang pha!
Chawlhkar thum chhuah a ni tawh nachungin fate of the Furious film chan a la ṭha ber a, North America aṭanga sum lalut hnem ber a la ni.
Chawlhkar thumnaah pawh Fate of the Furious aia chungnung thei an la awm lo a, kar tawp ni thum chhung khan USD mtd 19.4 a lakluh belh leh. Hengte nen hian khawvel pumah Furious film pariatna hian USD tld 1 a lalut tling ta. Heti hian a hma chiaha chhuak Furious 7 angin tluklehdingawn a lalut tling a, China-ah a hlawhtling a, hei hian a vawrh sang hle; China-ah hian USD mtd 361 zet a lalut.
Universal-in film a tihchhuah, box office aṭanga sum lalut hnem zingah pawh, tluklehdingawn lalut tling thei film tlem te zingah Fate of the Furious hi a lang. Universal-in movie a tihchhuah tawh zingah Jurassic World chuan sum a lalut hnem ber a, USD tld 1.67 a lalut a, Furious 7-in USD tld 1.52, Minions-in USD tld 1.16, Jurassic Park-in USD tld 1.04 te hi tluklehdingawn lalut tlingte an ni.
Pahnihnaa awm hi romantic comedy film, How To Be A Latin Lover a ni a, USD mtd 12 a lalut. Vai film-ah pawh Tamil film, Baahubali 2: The Conclusion ngei mai chu sum lalut hnem pathumnaah a lang pha tlat. Baahubali film pahnihna hian kar tawp chhung khan North America-ah USD mtd 10.1 zet a lalut tling.
“The Fate of the Furious” - $mtd 19.4
“How to Be a Latin Lover” - $mtd 12
“Baahubali 2: The Conclusion” - $mtd 10.1
“The Circle” - $mtd 9.3
“The Boss Baby” - $mtd 9.1
“Beauty and the Beast (2017)” - $mtd 6.4
“Going in Style” - $mtd 3.6
“Smurfs: The Lost Village” - $mtd 3.3
“Gifted” - $mtd 3.3
“Unforgettable” - $mtd 2.3