Jalandhar-ah Northeast Fiesta hmang

Jalandhar-a India hmarchhak aṭanga zirlai awmte chuan kar liam ta khan Northeast Fiesta an hmang a, he hunah hian India hmarchhaka hnam hrang hrangten an hnamzia leh incheinate an entir.

Northeast Fiesta-ah hian Punjab-a India hmarchhak mi awmte chuan mahni hnamzia leh incheina mai bakah, hnam zai te an entir a, art exhibition awmin, photography exhibition a awm bawk. India hmarchhaka state pariatte aṭangin heng entir hrang hrang phochhuah a ni. India hmarchhaka state hrang hrang aṭangin zaithiam zai ngaihthlak a ni a, Mizoram aṭangin Diki Lilo Bawitlung a zai.