Lamb of God hla thuah thil inphum ru a awm

American heavy metal band Lamb of God chuan tun hnaia an hla thar tihchhuah lyric video an siam panga zingah, a hla thuah thu inphum ru (hidden message) a awm tih sawiin, chumi zawng chhuak thiamte tan lawmman an buatsaih dawn.

Tun hnaia an lyric video tihchhuah, Resur­rection Man, On the Hook, Poison Dream, Bloodshot Eyes leh Reality Bath-ah te chuan thu inphum ru a awm a, hei hian code a nei nia sawi a ni bawk. He thu inphum ru haichhuak thiam chu Lamb of God band hian lawmman pek an tum tih Loudwire chuan a tarlang.