C. Lalzarmawia album Zai zingah Pensy, Bethsy, TBCA, Temi, Rintea
Hla phuah thiam leh musician, C. Lalzarmawia album tihchhuahah tura zaithiam tel zingah Pensy, Bethsy, Temi Sailo, Rintea (Albatross) leh TBC Zaithanpuia te an tel. He album buatsaih chhoh mek a, kar kalta khan live recording zawh a ni.
C. Lalzarmawia album tihchhuah tur ‘Rimawi Ropui ber’ hi kar kalta Zirtawpni zan khan Convention Centre, Lungleiah live recording tih a ni a, Pensy, Bethsy, Temi Sailo, Rintea (Albatross) leh TBC Zaithanpuia te pawh telin, anni bakah hian Dadina te an ni. Hannah Sound hman a ni a, Mathana, Efx chuan audio editing a khawih mek a, Sawma (M Space) chuan video editing a khawih bawk. Album cover tur hi Jimmy L. Sailo chuan a ruahman a, thla hnih ral hma ngeiin release hman an tum.
C. Lalzarmawia chuan, “Ka live album pahnihna hi a hmasa aia a danglamna eng eng emaw a awm a, tun
ṭuma hlate hi hla thar eng emaw zat bakah hla hluite pawh hi la sak chhuah tam loh leh mipui mimir tan chuan hriat la hlawh vak lo te a ni. Hei bakah hian harmonica leh violin hian music a tidanglam viau bawk,” a ti. “Mipui kalkhawmte chungah ka lawm hle a, Convention Centre hi Hall thar la nalh tak mai a ni a; mahse hnuhma ṭawp leh bal engmah an hnutchhiah lova; hall chhungah mobile phone switch off tur leh camera a thla la lo tura kan ngenna te pawh thuawih takin min pawmsak zel mai a; programme tawpa mipui chhuah dan tur thlenga ruahmanna kan siam zawng zawngte pawh ṭha takin an zawm vek a, a lawmawm khawp mai,” a ti.