Guns N’ Roses tour a la hlawhtling
Hun eng emaw chen band anga an chet ho hleih theih loh hnuah Guns N’ Roses chu an inzawmkhawm leh a, tour an nei a, a hlawhtling hle. Hmana band ropui kha tunah pawh an la ropui a, an la chuai lo.
Guns N’ Roses hian ‘Not In This Lifetime’ tour an nei a, an chawl rih zawk a, tun thla aṭang hian an chhunzawm leh ang. Tour an neih tawh chinah USD mtd 230 zet an lalut tawh. Nikum chhung khan stadium 21-ah vawi 25 concert an nei a, Axl Rose, Duff McKagan leh Slash te an ni.
New Zealand leh Australia-ah ringawt hian show vawi riat an nei a, heta aṭang hian USD mtd 38 zet an lalut. He tour hi nikum April thla aṭanga an ṭan kha a ni a, North America-ah an hlawk ber a, USD mtd 116.8 zet an lalut a, an ticket hralh zawng zawng hi maktaduai khat a tling.