BLACKPINK thawm hriat tur a awm leh ṭan ta

BLINK tan mit khap ngam a ni ta lo. Thlaleh hian Blackpink chu hla thar nen kan hmu leh tawh dawn niin ram hrang hrang media-te chuan an tarlang leh chuai chuai tawh.

Kum hnih dawn hla thar an tihchhuah tawh loh hnuah K-Pop group lar Blackpink chuan August thla hian hla thar an tichhuak leh dawn tih YG Entertainment lam chuan an sawi chiang tawh niin Soompi chuan an tarlang.

July thla chhung hian music video an shoot anga, August thlaah hi chuan rimawi khawvelah an 'comeback' leh tawh dawn niin an sawi. "Blackpink-esque music eng emaw zat chu hun eng emaw chen aṭang tawh khan buatsaih a ni tawh. Music leh project lian tak tak bakah. Blackpink chuan K-pop girl group chanchina world tour lian ber kum tawp lamah hi chuan an nei dawn a ni," tiin YG Entertainment chuan an sawi niin Soompi chuan an tarlang a ni.

'How You Like That' hitmaker-te hian kar hmasa khan YouTube-ah subscriber maktaduai 75 an nei tling tawh a, musical act zinga hetiang zat subscriber nei thei hmasa ber an ni hial!