Justin Bieber a inhmuchhuak leh tawh

Sual tlen faina baptisma changa bath tub-a a inchiah pup pup hnuah Justin Bieber chu a inhmuchhuak leh tawh a, Pathian hnenah ngaihdam a dil.

Justin Bieber hian ṭhat a tum a, a ṭha thei si lo ang vel a nih hmel ber. Police-in an man hnuah Bieber hian a nun chu hma a sawn hlein a hria a, Pathian hnena ngaihdam dil pahin lawmthu a sawi bawk. Ngaihdam a dilnaah “Ka awmna tur hmunah ka awm lo ṭhin” a ti.

Selena Gomez-i’n ngaihzawng dang a nei a nei leh tawh a, Justin Bieber pawhin ngaih­zawng thar a nei ve a, a ngaihzawng hi khaw­thlang chanchinbu ṭhen­khatin an tarlan dan chuan Kristian ṭha tak a ni. Bieber-a ngaihzawng thar hi Hillsong pastor Carl Lentz chuan an biak inah mipui a hmelhriattir.