Naupangte tana beitu milarte

Khawvel hmun hrang hrangah naupangte abuse hi a nasa a, an tuar nasa hle. Ram changkangah pawh hetiang thil hi a awm tho a, ram changkang loah a nasa lehzual emaw tih tur a ni. Naupang abuse te tana beitu hi mi tam tak an awm a, anni hian heng naupang, abuse avanga hrehawm tuar mekte tan hian kawng hrang hrangin hma an la.

David Beckham hi naupangte tana thawk nasa zinga mi a ni. UNICEF hnuaia #ENDviolence movement-ah pawh Beckham hi a thawhhlawk leh pawimawh ber zinga mi a ni. Kum 12 chhung zet chu UNICEF tan hian ambassador a ni tawh. Ashton Kutcher pawh a bei nasa berte zinga mi a ni. Thorn: Digital Defenders of Children dintute zinga mi a ni. Naupangte sex trafficking aṭanga chhanchhuak tur te, child pornography a bo theih nan ten hma a la nasa hle. Sum a tuak a, a sum tuak hmangin child pornography beih letna tur software te an siam.

Zaithiam Michael Bolton hian The Michael Bolton Foundation a din a, hnuah The Michael Bolton Charities tiin a thlak. He pawlina hma a lakna ber chu hmeichhia leh naupangte an ni. Child abuse do nan sum a tuak a, USD mtd 10 chuang a tuak chhuak a, sum tam tak a thawh bawk. Tennis star Andre Agassi hian kum 2001 khan Las Vegas-ah Andre Agassi College Preparatory Academy a hawng a, an tinzawn ber chu naupang, dinhmun hlauhawma dingte chhan­chhuah a ni; amah ngei pawhin USD mtd 35 zet a thawh.