Mizo Idol Season 7 Lawmman a ṭha dawn

Mizo Idol Season 7 ṭan hun a hnai zel a, a buatsaihtu lam pawhin lawmman tur an tichiang ta. Lawmman a ṭha dawn e.

Mizo Idol Season 7-a pakhatna chuan cheng nuai hnih a dawn dawn bakah Yamaha Aerox scooter a dawng tel dawn bawk. Pahnihna pawhin cheng nuai khat lai a dawng dawn a, pathumnain cheng singsarih a dawng bawk ang.

Top 10-a langte pawhin pawisa eng emaw zat an dawng dawn bawk. Palina leh panganain cheng 15,000 an dawng anga, parukna aṭanga 10-nain cheng 10,000 an dawng thung ang.

District audition hun a hnai ta
July 17 hian Champhai district audition neih a ni tawh dawn. Champhai hi audition neihna hmasa ber tur an ni a, July 19-30 inkarah hian Aizawl ni lo district dang zawnagha audition hi an nei dawn a ni. August 4 hian Aizawl-ah audition neih a ni dawn bawk.