Stranger Things leh a chhevel

Spin-Off series siam a ni dawn.

Darkar tld. chuang en a ni tawh

Netflix chuan an series hit tak mai Stranger Things chu a spin-off an siam dawn tih Nilaini khan an puangzar ta.

Hemi chungchang hi social media kaltlangin an puangzar a, award eng emaw zat lo dawng tawhtu Sonia Friedman, Stephen Daldry (The Crown, Billy Elliot, The Reader), leh Netflix-te chuan an produce dawn bakah Daldry chu director tur a ni tih an tarlang.

Subscriber hloh tam avanga buaina neuh neuh tawk mek Netflix hian Stranger Things khawvel zauh an tum tih a chiang tawh a, Stranger Things fan-te tan chuan thu lawmawm tak tur a ni.

Eng lam hawi nge a nih erawh an la tarlang lo a, Duffer brothers-te chu a buaipuitu tur an ni dawn tih erawh tarlan a ni tawh.

Darkar tld. chuang en a ni tawh!

Stranger Things 4 hi May 27 khan tihchhuah ṭan niin, entute en hun chhung darkar zat belhkhawm chu darkar tluklehdingawn 1.15 a ni tawh! Hetiang dinhmun thleng thei hi Netflix series zingah pakhat chiah a la awm a, chu chu Squid Game kha a ni. Squid Game kha ni 28 chhunga entute en zat darkar belhkhawm chu tld 1.65 lai a ni thung.