Billboard ; Hla/Album thar roreltu la awm lo

Billboard 200 chart-ah chart topper pawh lo ni tawh, chart-a kar riat lai cham tawh Bad Bunny 'Un Verano Sin Ti' chu pakhatna a ni a, Hot 100 chart lamah pawh chart topper ni fo tawh Harry Styles 'As It was' chu pakhatna a ni.

Bad Bunny 'Un Verano Sin Ti' hi kar hmasa khan pahnihna a ni a, Chris Brown leh Luke Combs-te chuan album thar tichhuak mah se an tluk zo chuang lo a ni. Luke Combs chuan a album thar 'Grrowin' Up' chu pahnihna a nihpui a, artist 100 chart lamah erawh pakhatna a ni thung.

Chris Brown 'Breezy' chu palina a ni thung a, top 3-ah pawh a inhlangkai zo lo a ni.

Hot 100 lamah Harry Styles 'As It was' chu pakhatna a ni leh a, kar riat lai pakhatna a ni ta. Styles hian he hla hi kar hmasa lamah khan pahnihna a nihpui a, chart-ah kar 13 lai a champui tawh bawk. Hot 100 chart top 10-ah hian hla thar a awm meuh loa, pahnihna pawh Jack Harlow 'First Class' kha niin Lizzo 'About Damn Time' chu pathumna a ni bawk.