Adele Nikum chhungin £mtd 40-in hausak belh

London-a piang Adele hian a album ‘25’ mai bakah khan tour a neih avangin sum a lakluh belh hnem hle. Thla 12 chhung lekin, £ mtd 85 aṭangin a hausakna hi £ mtd 125 zetah a pung chho thei a ni. Sunday Times chanchinbuin zirchianna a neihah chuan hmei­chhia, solo artist zinga hausa ber a ni a, Britain musician zingah hausak lamah 19-na a tling pha; hausa ber chu Sir Paul McCartney a ni.

‘25’ album hi US-ah chauh pawh copy maktaduai 9 chuang an hralh a, khawvel pumah copy maktaduai 20 vel hralha ngaih a ni. Adele album dangte pawh kha an hralh ṭha hlawm hle a, kum 2011-a a tihchhuah ‘21’ album kha khawvel pumah copy maktaduai 35 a hralh a, a album hmasa ber ‘19’ kha copy maktaduai 9 vel a hralh bawk.

Britain-a musician zinga hausa ber chu Sir Paul McCartney a ni a, £ mtd 780 vel zet a nei a, thla 12 chhung khan a hausakna hi £ mtd 20 velin a pung. Lloyd Webber chu hausak lama pahnihna a ni a, £ mtd 740 a nei a, U2 chu pathumna niin, £ mtd 548 an nei.